ఈ సందర్భంగా డి ఎస్పీ విద్యార్థినులతో ఆత్మీయంగా మాట్లాడుతూ, రాబోయే వార్షిక పరీక్షలను ధైర్యంగా ఎదుర్కోవాలని సూచించారు. పరీక్షలు భయపడాల్సినవి కాదని, నమ్మకంతో రాస్తే విజయం సాధ్యమవుతుందని తెలిపారు. ప్రతి రోజు క్రమబద్ధంగా చదువుతూ సమయాన్ని సద్వినియోగం చేసుకోవాలని, లక్ష్యాన్ని నిర్ణయించుకుని పట్టుదలతో కృషి చేస్తే జీవితంలో స్థిరపడవచ్చని చెప్పారు.
విద్యార్థినులకు ఉచితంగా పరీక్ష ప్యాడ్లు, పెన్నులు పంపిణీ చేసి వారిలో ఉత్తేజం నింపారు. ఓటమిని భయపడకుండా, గతంలో చేసిన తప్పులను గుర్తుంచుకుని భవిష్యత్తులో మరింత మెరుగైన ఫలితాలు సాధించాలని సూచించారు. భవిష్యత్తు సమాజంలో మన స్థానం మన విద్య, మన ప్రవర్తనపై ఆధారపడి ఉంటుందని ఆయన పేర్కొన్నారు.
ఉన్నత విద్యపై దృష్టి సారించి, తమ గ్రామానికి మరియు తల్లిదండ్రులకు గర్వకారణంగా నిలవాలని విద్యార్థినులకు ప్రేరణనిచ్చారు. క్రమశిక్షణ, శ్రమ, ఆత్మవిశ్వాసం ఉన్నవారికి ఎటువంటి అడ్డంకులు అడ్డుకావని అన్నారు.
ఈ కార్యక్రమంలో నడింపల్లి గ్రామపంచాయతీ వార్డు సభ్యుడు బోయపల్లి కార్తీక్ రెడ్డి, పాఠశాల ఉపాధ్యాయులు, గ్రామ ప్రముఖులు పాల్గొన్నారు. విద్యార్థినులు ఈ కార్యక్రమాన్ని ఆనందంగా స్వాగతించి, అందించిన ప్యాడ్లు, పెన్నులకు కృతజ్ఞతలు తెలిపారు.
అచ్చంపేట డి ఎస్పీ శ్రీనివాసుల ప్రోత్సాహకర సందేశం విద్యార్థినుల్లో కొత్త ఉత్సాహాన్ని నింపింది. కార్యక్రమం ముగింపులో ఉపాధ్యాయులు మరియు గ్రామ ప్రముఖులు డి ఎస్పీకి ధన్యవాదాలు తెలిపారు.
0 కామెంట్లు