-పినపాక ఎంపీడీవో వెంకటేశ్వరరావు
మహిళలు అన్ని రంగాలలో రాణించాలని పినపాక ఎంపీడీవో వెంకటేశ్వరరావు అన్నారు. భద్రాద్రి కొత్తగూడెం జిల్లా పినపాక మండలం భూపాలపట్నం గ్రామపంచాయతీలో సర్పంచ్ తొలేం స్వప్న ఆధ్వర్యంలో మహిళా దినోత్సవాన్ని ఘనంగా నిర్వహించారు. ఈ సందర్భంగా మాట్లాడుతూ మహిళలకు అంతర్జాతీయ మహిళా దినోత్సవ శుభాకాంక్షలు తెలిపారు. మహిళలు సామాజిక, ఆర్థిక, రాజకీయ రంగాలలో రాణించాలని ఆయన కోరారు. ప్రభుత్వ, ప్రైవేటు రంగాలలో మహిళల సేవలు అమోఘమని తెలియజేశారు. మహిళలు వారి హక్కులను వినియోగించుకోవాలని తెలిపారు. ప్రభుత్వాలు 33% మహిళలకు రిజర్వేషన్ కల్పించడం హర్షనీయమన్నారు. ఈ యొక్క కార్యక్రమంలో ఉప సర్పంచ్ నిట్ట శిరీష, వెంకట్రావుపేట సర్పంచ్ సింధు, వార్డు మెంబర్లు సంధ్యారాణి, బొగ్గం రమణ, నిట్ట సావిత్రి, తులసమ్మ, మహేంద్ర, నరసింహారావు, అంగన్వాడీ టీచర్ సుజాత, ఆశా వర్కర్ నీలమ్మ మొదలైన వారు పాల్గొన్నారు.
0 కామెంట్లు