విద్యార్థినులకు ఐరన్ టాబ్లెట్లు పంపిణీ

పినపాక మండల పరిధిలోని ఈ.బయ్యారం జిల్లా పరిషత్ పాఠశాలలో విద్యార్థినులకు ఐరన్ టాబ్లెట్లను ప్రాథమిక ఆరోగ్య కేంద్రం సిబ్బంది పంపిణీ చేశారు.

ఈ కార్యక్రమంలో భాగంగా విద్యార్థినుల ఆరోగ్యాన్ని దృష్టిలో ఉంచుకుని రక్తహీనత (అనీమియా) నివారణకు ఐరన్ టాబ్లెట్లు అందజేశారు. ఈ సందర్భంగా వైద్య సిబ్బంది మాట్లాడుతూ, విద్యార్థినులు నిరంతరం ఐరన్ టాబ్లెట్లు తీసుకోవడం వల్ల రక్తహీనత సమస్య తగ్గి ఆరోగ్యం మెరుగుపడుతుందని తెలిపారు.

అలాగే పౌష్టికాహారం ప్రాముఖ్యతపై అవగాహన కల్పిస్తూ, ఆకుకూరలు, పండ్లు, ప్రోటీన్ పదార్థాలు తీసుకోవాలని సూచించారు. పాఠశాల విద్యార్థినులు ఆరోగ్యంపై శ్రద్ధ పెట్టాలని, ప్రభుత్వం అందిస్తున్న ఈ సేవలను సద్వినియోగం చేసుకోవాలని కోరారు.

ఈ కార్యక్రమంలో పాఠశాల ఉపాధ్యాయులు, ఆరోగ్య సిబ్బంది, ఆశా కార్యకర్తలు మరియు విద్యార్థినులు పాల్గొన్నారు.