కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్
నీట్ పేపర్ లీక్కు వ్యతిరేకంగా దేశవ్యాప్తంగా విద్యార్థి, యువజన సంఘాలు నిర్వహిస్తున్న నిరసనలను అణిచివేసే ప్రయత్నంలో పోలీసులు లాఠీచార్జ్కు పాల్పడడాన్ని తీవ్రంగా ఖండించారు. ప్రజాస్వామ్య దేశంలో శాంతియుతంగా నిరసన తెలిపే హక్కు ప్రతి పౌరుడికి ఉందని, ఆ హక్కును కాలరాయడం సరైన చర్య కాదన్నారు.
విజయవాడలో రాజ్భవన్ ముట్టడికి వెళ్లిన విద్యార్థి, యువజన సంఘాల నాయకులపై పోలీసులు బలప్రయోగం చేయడాన్ని కూడా వారు ఖండించారు. విద్యార్థుల సమస్యలను పరిష్కరించాల్సిన ప్రభుత్వాలు వారిపై బలప్రయోగానికి దిగడం ప్రజాస్వామ్య స్ఫూర్తికి విరుద్ధమని పేర్కొన్నారు.
రాష్ట్రవ్యాప్తంగా విద్యార్థి, యువజన సంఘాలు చేపట్టిన విద్యాసంస్థల బంద్కు సీఐటీయూ సంపూర్ణ మద్దతు ప్రకటిస్తున్నట్లు తెలిపారు. నీట్ పేపర్ లీక్ ఘటనపై సమగ్ర దర్యాప్తు జరిపి బాధ్యులపై కఠిన చర్యలు తీసుకోవాలని, విద్యార్థుల భవిష్యత్తును కాపాడేందుకు కేంద్ర ప్రభుత్వం వెంటనే స్పందించాలని డిమాండ్ చేశారు.కేంద్ర విద్యాశాఖ మంత్రి ధర్మేంద్ర ప్రధాన్ నైతిక బాధ్యత వహిస్తూ వెంటనే తన పదవికి రాజీనామా చేయాలని, దేశవ్యాప్తంగా విద్యార్థుల్లో నెలకొన్న ఆందోళనకు ముగింపు పలికేలా ప్రభుత్వం తక్షణ చర్యలు చేపట్టాలని వారు కోరారు.
ఈ నిరసన కార్యక్రమంలో సీఐటీయూ నాయకులు సి. ముక్కన్న, కే. నాగరాజు, ప్రసాద్, చంద్ర, అన్వర్, నాగేష్, భాష తదితరులు పాల్గొని కేంద్ర ప్రభుత్వానికి వ్యతిరేకంగా నినాదాలు చేశారు.
0 కామెంట్లు