ఇంటర్ పరీక్ష ఫీజును ఈనెల 14 లోపు చెల్లించండి: ప్రిన్సిపల్ సత్యనారాయణ
పినపాక:ఇంటర్ వార్షిక పరీక్షల ఫీజును ఈనెల 14 లోపు లేట్ ఫీజు లేకుండా చెల్లించవచ్చని పినపాక జూనియర్ కళాశాల ప్రిన్సిపల్ సత్యనారాయణ తెలియజేశారు. బుధవారం ఆయన పినపాక జూనియర్ కళాశాలలో మాట్లాడారు. రూ.100 ఫైన్ తో ఈ నెల 16 నుండి 21 వ తేదీ వరకు చెల్లించవచ్చన్నారు. రూ.500తో ఈ నెల 26 నుంచి డిసెంబర్ 1 వరకు, రూ.2వేల జరిమానాతో డిసెంబర్ 10 నుంచి 15 వరకు స్వీకరిస్తారన్నారు. ఇంగ్లీష్ ప్రాక్టికల్స్ కు రూ.100 చెల్లించాల్సి ఉంటుందన్నారు. జనరల్ స్టూడెంట్స్ కు రూ.630, ఫస్టియర్ ఒకేషనల్ కి రూ.870, సెకండియర్ ఆర్ట్స్ కు రూ.630, సెకండియర్ సైన్స్, ఒకేషనల్ కి రూ.870 చెల్లించాలన్నారు. సకాలంలో విద్యార్థులు ఫీజు చెల్లించాలని కోరారు. పినపాక జూనియర్ కళాశాలలో తెలుగు మీడియం ఇంగ్లీష్ మీడియం విద్యా బోధన జరుగుతుందని తెలిపారు. స్టడీ హవర్స్ తో పాటు, విద్యార్థుల చదువుకు ఉపయోగపడేలా పరీక్షలు నిర్వహిస్తున్నామని తెలిపారు. విద్యార్థులను ప్రభుత్వ జూనియర్ కళాశాలకు పంపాలని కోరారు.
