-స్నేహితులుంటేనే ఆరోగ్యం, ఆనందం, ఐశ్వర్యం ప్రాప్తిస్తాయి: సోమ ప్రగతి గౌడ్
స్నేహం అనేది కేవలం పరిచయం మాత్రమే కాదని, కష్టసుఖాల్లో అండగా నిలిచే ఆత్మీయ బంధమని ఆమె అన్నారు. ప్రతి వ్యక్తి జీవితంలో మంచి స్నేహితులు ఉంటే మానసిక ప్రశాంతత, ఆనందం, ఆరోగ్యం, ఆత్మవిశ్వాసం పెరుగుతాయని చెప్పారు. ఏ కార్యాన్ని విజయవంతంగా పూర్తి చేయాలన్నా కుటుంబ సభ్యులతో పాటు స్నేహితుల సహకారం కూడా ఎంతో అవసరమని వివరించారు.
కార్యక్రమంలో మహిళలు ఉత్సాహంగా పాల్గొని ఒకరికొకరు మెహందీ (గోరింటాకు) పెట్టుకుని స్నేహబంధానికి ప్రతీకగా శుభాకాంక్షలు తెలియజేశారు. స్నేహితులతో కలిసి నిర్వహించిన మెహందీ కార్యక్రమం ప్రత్యేక ఆకర్షణగా నిలిచింది. మహిళలు సంప్రదాయ దుస్తుల్లో హాజరై సందడి చేశారు. స్నేహితులతో కలిసి గడిపిన ఆనంద క్షణాలను గుర్తుచేసుకుంటూ అనుభవాలను పంచుకున్నారు.
ఈ సందర్భంగా మహిళల మధ్య ఐక్యత, పరస్పర సహకారం, సామాజిక సేవా కార్యక్రమాల్లో భాగస్వామ్యం వంటి అంశాలపై కూడా చర్చించారు. సమాజంలో మహిళలు ఒకరికొకరు తోడ్పాటుగా నిలవాలని, స్నేహబంధాలను మరింత బలోపేతం చేసుకోవాలని సోమ ప్రగతి గౌడ్ పిలుపునిచ్చారు. స్నేహితుల మధ్య పరస్పర గౌరవం, నమ్మకం, ఆప్యాయత ఉంటే జీవితంలోని ఎన్నో సమస్యలను అధిగమించవచ్చని ఆమె అన్నారు.
కార్యక్రమం ముగింపులో మహిళలు పరస్పరం శుభాకాంక్షలు తెలియజేసుకుని స్నేహబంధాన్ని మరింత బలపరుచుకునేందుకు ప్రతిజ్ఞ చేశారు. అనంతరం పాల్గొన్న మహిళలకు అభినందనలు తెలియజేసి జ్ఞాపికలు అందజేశారు.
ఈ కార్యక్రమంలో జ్యోతి, నిర్మల, దివ్య, కవిత, హేమలత, పద్మ, స్రవంతి, జయశ్రీ, సరస్వతి, శోభ, లక్ష్మి, గీతతో పాటు జై గౌడ సంఘానికి చెందిన మహిళలు, గౌడ బంధువులు మరియు పలువురు ప్రముఖులు పాల్గొని కార్యక్రమాన్ని విజయవంతం చేశారు.
0 కామెంట్లు