తల్లిదండ్రుల అంగీకారంతోనే విద్యార్థులను పాఠశాలలకు ఆటోలలో రవాణా చేస్తూ జీవనోపాధి కొనసాగిస్తున్నామని చెప్పారు. ఇటీవల ఆర్టీఏ అధికారులు ఓవర్లోడ్ చేయవద్దని, ఫిట్నెస్తో వాహనాలు నడపాలని సూచించడం సమంజసమేనని, విద్యార్థుల భద్రత విషయంలో తమకూ పూర్తి బాధ్యత ఉందని స్పష్టం చేశారు.
అయితే తమ ఆర్థిక పరిస్థితిని కూడా అధికారులు పరిగణనలోకి తీసుకోవాలని కోరారు. పాఠశాల రవాణా, సాధారణ ప్రయాణికుల ద్వారా వచ్చే స్వల్ప ఆదాయంతోనే ఫైనాన్స్లు చెల్లిస్తూ కుటుంబాలను పోషిస్తున్నామని తెలిపారు. గతంలో ఫైనాన్స్ భారం తట్టుకోలేక పలువురు ఆటో డ్రైవర్లు ఆత్మహత్యలకు పాల్పడిన ఘటనలను గుర్తుచేశారు.
కొంతమంది జర్నలిస్టులు ఆటోలను లక్ష్యంగా చేసుకుని కథనాలు ప్రచురించడం వల్ల అధికారుల ఒత్తిడి పెరుగుతోందని ఆవేదన వ్యక్తం చేశారు. రవాణా శాఖ నిబంధనలకు అనుగుణంగా ఫిట్నెస్, బీమా, లైసెన్స్ వంటి అన్ని నిబంధనలు పాటిస్తామని, అదే సమయంలో ఆటో డ్రైవర్ల జీవనోపాధిని దెబ్బతీయకుండా ప్రభుత్వం, అధికారులు మానవతా దృక్పథంతో వ్యవహరించాలని విజ్ఞప్తి చేశారు. ఈ కార్యక్రమంలో యూనియన్ సభ్యులు పాల్గొన్నారు.
0 కామెంట్లు