-నీట్ నిరసనల సందర్భంగా విద్యార్థులపై లాఠీచార్జ్ను ఖండించిన నాయకులు
ఈ సందర్భంగా నిర్వహించిన కార్యక్రమంలో ఎన్ఎస్యూఐ జిల్లా అధ్యక్షుడు సంతోష్, ఎంఎస్ఎఫ్ రాష్ట్ర నాయకుడు బుక్కపురం మహేష్, యూఎస్ఎఫ్ఐ జిల్లా అధ్యక్షుడు ఎండి సయ్యద్ తదితరులు పాల్గొని మాట్లాడారు. దేశవ్యాప్తంగా విద్యార్థుల సమస్యలు రోజురోజుకూ పెరుగుతున్నాయని, వాటిపై ప్రభుత్వాలు తక్షణమే స్పందించాలని వారు డిమాండ్ చేశారు.నీట్ పరీక్షకు సంబంధించిన పేపర్ లీకేజీ వ్యవహారం దేశవ్యాప్తంగా లక్షలాది మంది విద్యార్థులు, వారి తల్లిదండ్రుల్లో తీవ్ర ఆందోళనకు గురిచేసిందన్నారు. పరీక్షల నిర్వహణలో పారదర్శకత, భద్రత ఉండాలని, విద్యార్థుల భవిష్యత్తుతో ఎలాంటి నిర్లక్ష్యం చేయరాదని వారు పేర్కొన్నారు.పేపర్ లీకేజీ ఘటనపై ఢిల్లీలో విద్యార్థి సంఘాలు శాంతియుతంగా నిర్వహించిన నిరసన కార్యక్రమంపై పోలీసులు లాఠీచార్జ్ చేయడం అత్యంత బాధాకరమని నాయకులు విమర్శించారు. ప్రజాస్వామ్య దేశంలో శాంతియుతంగా నిరసన తెలిపే హక్కు ప్రతి పౌరుడికీ రాజ్యాంగం కల్పించిందని, అలాంటి నిరసనలపై బలప్రయోగం చేయడం సరైన విధానం కాదన్నారు.విద్యార్థులు తమ భవిష్యత్తు కోసం ప్రశ్నిస్తుంటే వారిపై కేసులు నమోదు చేయడం, లాఠీచార్జ్ చేయడం ప్రజాస్వామ్య విలువలకు విరుద్ధమని పేర్కొన్నారు. విద్యార్థుల గళాన్ని అణచివేయడం ద్వారా సమస్యలు పరిష్కారం కావని, వారి డిమాండ్లను వినిపించి తగిన చర్యలు తీసుకోవాలని కేంద్ర ప్రభుత్వాన్ని కోరారు.
నీట్ పరీక్ష పేపర్ లీకేజీపై సమగ్ర దర్యాప్తు జరిపి బాధ్యులపై కఠిన చర్యలు తీసుకోవాలని, విద్యార్థులకు న్యాయం జరిగేలా చర్యలు చేపట్టాలని డిమాండ్ చేశారు. భవిష్యత్తులో ఇలాంటి ఘటనలు పునరావృతం కాకుండా పరీక్షల నిర్వహణ వ్యవస్థను మరింత పారదర్శకంగా, సాంకేతికంగా బలోపేతం చేయాలని సూచించారు.అచ్చంపేటలో జరిగిన బంద్ సందర్భంగా ఎలాంటి అవాంఛనీయ సంఘటనలు చోటుచేసుకోకుండా పోలీసులు బందోబస్తు ఏర్పాటు చేశారు. విద్యార్థి సంఘాల నాయకులు శాంతియుతంగా బంద్ నిర్వహించాలని పిలుపునివ్వగా, విద్యార్థులు కూడా క్రమశిక్షణతో కార్యక్రమంలో పాల్గొన్నారు.ప్రజాస్వామ్య హక్కులను పరిరక్షించడం ప్రతి ప్రభుత్వ బాధ్యత అని, విద్యార్థుల సమస్యలను రాజకీయాలకు అతీతంగా పరిష్కరించాలని నాయకులు కోరారు. విద్యా వ్యవస్థపై ప్రజల్లో విశ్వాసం పెంపొందేలా ప్రభుత్వాలు పారదర్శక చర్యలు తీసుకోవాలని, విద్యార్థుల భవిష్యత్తును కాపాడేందుకు అవసరమైన అన్ని చర్యలు చేపట్టాలని వారు విజ్ఞప్తి చేశారు.
ఈ కార్యక్రమంలో వివిధ విద్యార్థి సంఘాల నాయకులు, కార్యకర్తలు, విద్యార్థులు పెద్ద సంఖ్యలో పాల్గొని బంద్కు మద్దతు తెలిపారు..
0 కామెంట్లు