భద్రాద్రి కొత్తగూడెం జిల్లా పినపాక మండలం సీతంపేట గ్రామంలో భోగి పండుగను పురస్కరించుకుని గ్రామ యూత్ ఆధ్వర్యంలో మహిళల కోసం ముగ్గుల పోటీలు శివాలయం వీధిలో ఘనంగా నిర్వహించారు. ఈ కార్యక్రమానికి గ్రామ మహిళలు పెద్ద సంఖ్యలో పాల్గొని తమ ప్రతిభను ప్రదర్శించారు. సంప్రదాయ రంగులతో అందంగా రూపొందించిన ముగ్గులు గ్రామానికి ప్రత్యేక ఆకర్షణగా నిలిచాయి. పండుగ వాతావరణం గ్రామమంతా కళకళలాడింది. పోటీలను ఉత్సాహంగా నిర్వహించిన యూత్ సభ్యులను గ్రామస్తులు అభినందించారు. విజేతలకు బహుమతులు అందజేసి మహిళలను ప్రోత్సహించారు. ఈ కార్యక్రమం ద్వారా సంస్కృతి, సంప్రదాయాల పరిరక్షణతో పాటు గ్రామ ఐక్యత మరింత బలపడిందని గ్రామ పెద్దలు తెలిపారు. భవిష్యత్తులో ఇలాంటి కార్యక్రమాలు మరిన్ని నిర్వహించాలని వారు ఆకాంక్షించారు.
