భద్రాద్రి కొత్తగూడెం జిల్లా పినపాక మండలం పోలీస్ స్టేషన్ పరిధిలో కానిస్టేబుల్ గా విధులు నిర్వహిస్తున్న లక్ష్మణ్ తన నిజాయితీని చాటుకున్నారు. ఆదివారం పినపాక మండలం జానంపేటలో ఎన్నికల విధులు నిర్వహిస్తున్న ఆయనకు రహదారిపై 5600 రూపాయల నగదు దొరికాయి. ఆ నగదు పై పూర్తిస్థాయిలో దర్యాప్తు చేసి , ఆ నగదు కోసం వెతుకుతున్న లారీ డ్రైవర్ కు అందజేశారు. ఈ సందర్భంగా ఆయనను స్థానికులు అభినందించారు. ఆయన నిజాయితీని పలువురు కొనియాడారు.
