భద్రాద్రి కొత్తగూడెం జిల్లా లక్ష్మీదేవిపల్లి మండలం దుధియా తండా గ్రామపంచాయతీలో డ్రైనేజీ కాలువ నిర్మాణానికి శంకుస్థాపన కార్యక్రమం ఘనంగా నిర్వహించారు. గ్రామంలో పారిశుద్ధ్య సమస్యలను పరిష్కరించేందుకు ఈ కాలువ నిర్మాణం ఎంతో ఉపయోగకరంగా ఉంటుందని స్థానికులు అభిప్రాయపడ్డారు.
ఈ కార్యక్రమానికి గ్రామపంచాయతీ సర్పంచ్ బానోత్ రమేష్ ముఖ్య అతిథిగా హాజరై శంకుస్థాపన చేశారు. ఆయన మాట్లాడుతూ గ్రామ అభివృద్ధికి అవసరమైన మౌలిక వసతులను కల్పించడంలో గ్రామపంచాయతీ కట్టుబడి పనిచేస్తుందని తెలిపారు. డ్రైనేజీ వ్యవస్థ మెరుగుపడితే గ్రామంలో పరిశుభ్రత పెరిగి, ప్రజల ఆరోగ్యం మెరుగుపడుతుందని పేర్కొన్నారు.
కార్యక్రమంలో ఉపసర్పంచ్ గుగులోత్ నరేష్, వార్డ్ మెంబర్ రమేష్, గ్రామ పెద్దలు, ప్రజలు, గ్రామపంచాయతీ సిబ్బంది పాల్గొన్నారు. గ్రామ అభివృద్ధికి ఇలాంటి పనులు మరింతగా చేపట్టాలని స్థానికులు కోరారు.
0 కామెంట్లు